Ua ho'olaha 'ia ma ko 'Ilio'ulaokalani kahi, ka palapala noi e pili ana i ka pila 'Akaka. Ua kākau i ko'u inoa ma loko o ka palapala noi. Aia ke kū 'ē 'ana no kēia pila no ka ho'ololi ma mua, mai ka manawa mua i komo ai.
'Ano huikau nā mea kiko'i ma loko o ia pila. Nui nā ho'ololi ma ia pila mai ka ho'omaka 'ana o ka ho'okumu. A kēia manawa, 'ano 'ē ka 'ōlelo ma loko o ia, a 'a'ole pono no nā kānaka maoli. He kāohi no nā Haole, no Amelika na kākou.
Aia kekahi ka huikau me ka 'ao'ao lua. 'O ka 'ao'ao no ka 'aelike o ka pila, a me ka 'ao'ao 'ē a'e, ka 'ālai. Nui ka 'ike 'ole o ka po'e no ke kākau 'ana ma loko o ia pila.
Eia ka nīnau. 'Ano lō'ihi loa i ka pono 'ole no nā kānaka maoli mai ka ho'ohui o nā haole. A pehea la, he aha ka 'oko'a no ia pila? 'A'ohe 'oko'a e hō'ike 'ia iā kākou, i ke alo o kākou. Maopopo ho'i iā kākou, e ho'onui ka pilikia no nā kānaka maoli ke 'aelike 'ia 'o Congress o ia pila.
I ka nūhou, ho'ololi a'ela hou ka pila i ka 'ōlelo. He aha la ka hopena? E ho'onui nō ia! Pono nō nā 'oiwi, nā 'opio, nā kūpuna, nā mākua a me ka po'e o ko Hawai'i pae 'āina ('oiwi 'ole) e ho'olōkahi a e kū'ē!
I kēia mau lā, nui nā haumāna e puka ai mai nā kula nui me ka palapala 'oihana a'o a me ka palapala lae'ula. Nui ka 'ike i ka nohona kahiko, a nui ka 'e'epa i ka 'ōlelo makuahine. No laila, nui ke kū'ē mai nā haole, mai nā malihini ma ko Hawai'i pae 'āina, like me 'o Kenneth Conklin. Nui kona 'i'ini e ho'oino i nā 'oiwi akā na'e nui nā 'ōpio i ka na'auao a pono 'o Ken e mālama pono ke hele i waho.
